Utartama tacliintoo U dadaala kaligeed!!!!
Gabay ka hadlaa waxbarashada!!!
Qormada gabayga Cabdoow maanan qorin maanta ka hortoowe
Qurbe nin uu daashadaan ahoon Qaaradii tagine ,
Hayeeshe Qalbigu meeshuu maaganyahay bal aan shiishka qabadsiiyo.!
***********************************
Qaramada adduunkiyo haddaan qaaradaha eegno.
Qalin wiixii qaatay qamarkay tageen waana loo qiraye.
Qorshihii danbana Mars waakay qalabka geeyeene.!
****************************************
Qunbuliyadda Nugleer-kiyo waakay quwado yeesheene.
Qumaati dayuurada ukacana way qotomiyeene.
Qudha badda moolka wayn waakay quusiyeen gujise.
Qaadir inagama jeclee aqoontiyo qalinka weeyaane. !
****************************************
Qodabkaas Tusaaleeyaye bal aan qormo kale eegno.
Qaaraddaas madow iyo hadaan qaybkale u leexdo.
Qaybi iyo xukun baa la hadhay qarniyaal badane.
Oo qarafkii lagu shiday qiiqaysaa waliye.!
*******************************************
Qaabab xun oo kalaa jiroon cidi qiyaasayne.
Qori iyo qabiil baa qaribay oo qaw ka raaridaye.
Qorsho xumida waxa noogu wacan waa aqoon li´iye
Quful baa ku jaban qoom hadduu jaahil qaayibaye.!
********************************************
Qodobkaas tusaaleeyaye hadaan qayb kale u leexdo.
Qoraxay iyo QEF markale hadaan shiishka qabadsiiyo.
Qorshahaad QEF-ey waddaan qalbigu wuu ku diirsadaye.
Qof walba oo caqli lehna dhabtii wuu qancahayaaye.!
******************************************
Qoomiyadi waxay u aydaad waddaan qarniyaal badane.
Qaran iyo qoysba way anfici haddeer qaabkaad wadataane.
Qorshaheena hoosiyo haddii aan QEF yara falanqeeyo
Qorshe socon-karaayaa majiro haddaan qarash ladhiibayne
***********************************************
Qaaraan bileedka bixiya oo Qarshiga dhiiba.
Qamanyuuskuna mafiicnee, waliba oo qalbiga raacsha.
Qofkastowba shaqadaada qabo Qaaddirna Addeeca.!
*********************************************